Ենթական և ստորոգյալը նախադասության մեջ սովորաբար իրար համաձայնում են թվով և դեմքով։ Եզակի ենթակայի հետ դրվում է եզակի ստորոգյալ, հոգնակի ենթակայի հետ՝ հոգնակի ստորոգյալ։

Օրինակ՝ Ես չպատասխանեցի նրա հարցերին: Մենք չպատասխանեցինք նրա հարցերին:

Բազմակի ենթակայի հետ սովորաբար դրվում է հոգնակի ստորոգյալ։

Օրինակ՝ Անահիտն ու Մանեն քույրեր են։

Նախադասության մեջ առաջինը դրվում է ենթական, հետո՝ ստորոգյալը։ Նման շարադասությունը կոչվում է ուղիղ շարադասություն։ Օրինակ՝  Գեղեցիկ տարիները անցան։

Իսկ եթե ստորոգյալն ընկնում է ենթակայից առաջ, ապա շարադասությունը կոչվում է շրջուն։ Օրինակ՝  Անցան գեղեցիկ տարիները։

Այս երկու կարգի շարադասությունն էլ ընդունելի է և ճիշտ, այսինքն՝ ենթակայի և ստորոգյալի շարադասությունն ազատ է։

Առաջադրանքներ:

Նախադասության մեջ թող միայն ենթական և ստորոգյալը:

1. Ձյան վրա ես նշմարեցի փոքրիկ սև կետեր: Ես նշմարեցի։
2. Էլի նուրբ թափանցիկ ծաղիկներով ներկվել էին դեղձենիները: Ներկվել էին դեղձենիները։
3. Մարդու աչքը մի բուռ հողով կկշտանա: Աչքը կկշտանա։
4. Մանուկ օրերից ես մի առանձին սեր ունեմ դեպի ծեր, ալևոր մարդիկ: Ես ունեմ։
5. Նրա գլուխը շարունակ դողում էր հասած արևածաղկի պես: Գլուխը դողում էր։

2. Ինչպիսի, ում, որ, ինչը, ինչով, ինչից, ինչքան, ինչպես, երբ, որտեղ, ուր, ինչու հարցերին պատասխանող լրացումներ ավելացրու նախադասության գլխավոր անդամներին:

1. Կատուն բռնում է:
2. Քամին փչեց:
3. Դելֆինները լողում էին:
4. Արահետը ձգվել էր:
5. Գետերը քանդում են:

3. Ընդգծիր ենթականերն ու ստորոգյալներ

1. Կենսաբանների փորձերից ձանձրացած դելֆինները հացադուլ են հայտարարում:
2. Օձի թույնը բժշկության մեջ շատ արժեքավոր է:
3. Գերմանացի մի կոնստրուկտոր մթության մեջ տեսնող և հաչող արհեստական շուն է պատրաստել:
4. Հնդկաստանի բնակիչները ութ հարյուր լեզվով ու բարբառով են խոսում:
5. Աղմուկի միջից մեզ էին հասնում օգնության հուսահատ կանչերը:

4.Բաց թողած տեղերում դիր տրված ենթականերից մեկը՝ համաձայնեցնելով ստորոգյալի հետ

1. Մի տան պատուհանից ճրագի սպիտակ շող երևաց (երևալ):
2. Գարնան արևոտ օրերը ինձ (հիշեցնել) հիշեցնում են, որ մայիսն է:
3. Քամիները (հալածել) հալածում էին մառախուղի թանձր քուլաները:
4. Ճապոնիայում (թողարկվել) թողարկվել են ծայրին փոքրիկ լամպ ունեցող գրիչներ:
5. Դելֆինները բաց ակվարիումից դանդաղ (լողալ) լողում էին դեպի ազատություն:

Քամին, օրեր, դելֆիններ, շող, գրիչներ